Aktorja dhe producentja e filmave, Angelina Jolie, do të drejtojë realizimin e filmit “Sjellje e paarsyeshme”, një film për fotografin britanik të luftës, Don McCullin, i bazuar në autobiografinë me të njëjtin emër.
“Jam e nderuar që kam mundësinë për të sjellë jetën e Don McCullin në film”, është shprehur Jolie.
“U tërhoqa veçanërisht nga angazhimi i tij për të dëshmuar të vërtetën e luftës, nga ndjeshmëria dhe respekti i tij për ata që vuajnë pasojat”, ka shtuar ajo.
(Foto: Instagram/angelinajolie_offiicial)
Filmi do të jetë një histori nga jeta e fotoreporterit britanik, veçanërisht i njohur për raportet e tij të luftës dhe imazhet mbi konfliktet urbane.
Në vitin 1968, kamera e tij Nikon priti një plumb, që mund ta kishte vrarë. /ANSA/KP/
(Foto: Instagram/don.mccullin)
The post Angelina Jolie, regjisore e filmit biografik për Don McCullin appeared first on Telegrafi.