Gjithçka që duhet të dini rreth filmit “Diamanti”, një krim-komedi me aktorët më të mirë në vend

Filmi “Diamanti” është një vazhdim i rrugëtimit të karaktereve nga filmi “Zonjusha” (nëse nuk e keni parë filmin, mund ta shikoni në gjirafavideo.com). Megjithatë nëse nuk ju premton koha juaj e çmuar, pa merak, sepse filmi “Zonjusha” nuk është parakusht i domosdoshëm, filmi “Diamanti” qëndron edhe si film në vete.

Pas kritikave të mira dhe suksesit të filmit “Zonjusha,” ekipi artistik dhe teknik i filmit, përjetuan një shpërthim entuziazmi, vullneti, dhe vizioni. Por, mbi të gjitha, kishin një ndjenjë përgjegjësie ndaj publikut, që me një investim madhor, të krijojnë filmin e rradhës, “Diamanti”.

Pjesë nga filmi “Diamanti”

Filmi “Diamanti,” i përket zhanrit krim- komedi, dhe shtjellon shumë tema rreth një diamanti me vlerë. Ndeshja e fuqive kërcënuese, intelektuale, joshëse e seksuale, ndodh kur shfaqet dëshira të mbahet në dorë, njëherë, ky gur i çmuar.

View this post on Instagram

Koha për pyetje për musafirin tonë special @besartsllamniku7! Çka dëshironi të dini për aktorin Besart Sllamniku, klikoni tek Instagram Stories dhe bëni pyetjet tuaja dhe mbrenda 24 orëve Besarti do të i'u përgjigjet pyetjeve më interesante. Për intervista dhe lajme interesante si kjo, bëni follow @Telegrafisti në Instagram, faqen e vetme zyrtare të Portalit Telegrafi. #PYPER (Pyetje – Përgjigje)

A post shared by Telegrafi.com (@telegrafisti) on Oct 3, 2018 at 3:52am PDT

Teknologjia, artistët, dhe dialogjet e implikuara në këtë film vendosin një standard të ri të filmbërjes kosovare, për kinematë vendore dhe rajonale.

Filmi Diamanti është prodhim i A&G Production në bashkëpunim me Qendrën Kinematografike të Kosovës, IKONE Studio dhe GjirafaStudios.

Regjia është realizuar Genc Berisha, ndërsa skenarin e kanë shkruar: Besart Sllamniku dhe Lulzim Bucolli. Për fotografitë është kujdesur fotografi Arton Humolli, veshjet dhe kostumet janë përgatitur nga Edona Reshitaj, gjersa për grimin është kujdesur Aida Kelmendi.

Aktorët:

Posteri i filmit “Diamanti”

Kasti i aktorëve të filmit përbëhet nga: Luan Jaha, Armend Baloku, Besart Sllamniku, Muhamed Arifi, Ylber Bardhi, Dukagjin Podrimaj, MAJK / Kastriot Rexha, Edona Reshitaj, Ilir Prapashtica, Irena Cahani, Anila Krasniqi, Lulzim Bucolli, Fiona Gllavica etj, jane ata pak aktore qe publiku do ti perjetoj emocionet e tyre ne kinemane CINEPLEXX nga 25 Tetori ne Prishtinë.